Page 27 - HOH

Sarampi ta un malesa infeccioso viral, cu ta plama y por causa brote y complicacionnan
hopi grave, te hasta morto.

For di Europa, el a bay te Merca y for di Merca e por bay den nos region.

Si nan tabatin vacuna manera debe ser, no tabatin e problema, segun dr. Wilmer Salazar.
Aruba un 5% di e poblacion no ta vacuna pa un of otro motibo. Mayor mester tene
consciencia riba e problematica aki. Berdad si ta bin un caso na Aruba, ta demasiado.

No mester tin caso di tipo di e malesanan aki. Si nos por vacuna 100% di e poblacion, dr.
Wilmer Salazar por sigura cu no lo bay tin problema, sea cu hendenan di afo por bin
Aruba cu e malesanan. Pero nos aki na Aruba ta proteha caba.

Hopi mayor ta bisa cu vacunanan ta causa mas problema cu beneficio, cual no ta berdad.
Mas problema ta loke e malesanan infeccioso, virus, bacteria ta causa. Nan ta plama y
nan ta causa un epidemia cu hopi complicacion.

Tur e situacion aki ta cosnan cu ta birando mas viral. Hende ta bisa cu no lo bay vacuna
su yiunan, pasobra a lesa, a mira, nan a bisa, cu e vacuna ta crea mas daño cu beneficio.

En realidad, e mayor complicacion t’e dolor, un tiki so y algun biaha lo por causa un tiki
keintura, pero ta dura un par di dia.

Esey ta reaccion di nos curpa, contra e parti di e vacuna, pa por produci un status inmune.
Ta yam’e memory cells y ta keda permanente. Hopi biaha e curpa ta reacciona un tiki
mas cu e otronan. Esey ta valido rond mundo, segun dr. Wilmer Salazar.