Page 26 - HOH

Dr.Wilmer Salazar – Ainda Tin Hende Cu Tin Mal

Concepto Di Vacunacion Beneficioso So E Por Tin

 Local
- 27/08/2019

Dr. Wilmer Salazar a splica cu e oportunidad aki ta importante pa remarca e importancia
di vacuna, cu t’e di dos dosis pa haya un proteccion largo, duradero p’e muchanan, pa
nan por bira inmune pa tur malesa prevenibel.

E lo por evita problemanan, complicacionnan di salud y te hasta morto.

Esey ta un punto importante cu ta trece dilanti. Aruba tin un 95% di proteccion, manera
ya menciona. Pero un dosis so no ta suficiente.

Mester tin tur tres of dos dosis, dependiendo di cada vacuna, pa por haya e proteccion
maximo y evita problemanan di malesa di e tipo aki.

P.e. e problema di Sarampi, cu a surgi na Europa, cu ta un continente cu tabatin un bon
programa di vacunacion, pero di un of otro manera, nan a laga di vacuna e muchanan y
nan a keda inmune, te ora cu a aparece e problema di Sarampi, no solamente pa mucha,
pero tambe pa adulto, cu nunca a vacuna, of esnan cu no a haya nan vacuna completo.