Page 21 - HOH

CAMPAÑA DI VACUNACION

ESCOLAR TA BAY CUMINSA

27 August, 2019, 6:04 pm

Dentro di poco Departamento di Cuido Salud Hubenil (Jeugdgezondheid zorg) ta bay
cuminsa cu su campaña di vacunacion escolar. E campaña aki ta uno cu ta cuminsa tur

aña di nobo, na comienso di aña escolar. E no ta nada nobo, segun Jurette Croes di e

departamento di Relacionnan Publico.

JGZ su database ta hopi amplio di tur e muchanan na Aruba. Tur mucha cu a haya

vacuna, nan tin nan registracion y tur mucha cu no a haya vacuna na Aruba, nan ta pidi

nan pa nan trece nan certificado di vacunacion di exterior, pa asina ey por sa precies si e
mucha ta bon vacuna.

E grupo di mas grandi cu ta bay vacuna ta e muchanan di 5de klas, cu ta haya nan vacuna

di 10 aña, cu ta trata di e vacuna DTP y e mucha muhenan den 6de klas cu ta haya nan

vacuna di HPV.

Na Aruba ainda no tin un sistema di vacuna obligatorio. Asina ta tur mucha cu falta

vacuna segun e programa di vacunacion di Aruba, lo haya un carta pa nan mayornan,

unda cu lo mester duna autorisacion di JGZ pa vacuna e muchanan na scol.