Page 22 - HOH

Na momento cu e mucha ta completamente vacuna pa su edad, e ta haya e prueba di

vacunacion pa e por hiba cas pa e mayornan por warda esaki.

E grado di porcentahe na Aruba na e momentonan aki ta mas of menos 95%, cual ta un

grado di vacunacion hopi halto. Nos ta proteha nos comunidad y nos muchanan hopi bon

contra e malesanan di Diphtheria, Tetanus, Pilio, Sarampi, Cacheton, Rubella y

Kinkhoest.

Dr. Wilmer Salazar a splica cu e oportunidad aki ta importante pa remarca e importancia

di vacuna, cu ta e di dos dosis pa haya un proteccion largo, duradero pa e muchanan, pa

nan por bira inmune pa tur malesa prevenibel. E lo por evita problemanan,

complicacionnan di salud y te hasta morto.

Esey ta un punto importante cu ta trece dilanti. Aruba tin un 95% di proteccion, manera

ya menciona. Pero un dosis so no ta suficiente. Mester tin tur tres of dos dosis,

dependiendo di cada vacuna, pa por haya e proteccion maximo y evita problemanan di

malesa di e tipo aki.

Por ehempel e problema di sarampi, cu a surgi na Europa, cu ta un continente cu tabata

tin un bon programa di vacunacion, pero di un of otro manera, nan a laga di vacuna e

muchanan y nan a keda inmune, te ora cu a aparece e problema di sarampi, no solamente

pa mucha pero tambe pa adulto, cu nunca a vacuna, of esnan cu no a haya nan vacuna

completo.

Sarampi ta un malesa infeccioso viral, cu ta plama y por causa brote y complicacionnan
hopi grave, te hasta morto. For di Europa, el a bay te Merca y for di Merca e por bay den

nos region.