Page 12 - BNDIA ARUBA

a12 riba caya
Diaranson 20 Februari 2019

Garashi na candela na Seroe Biento

SEROE BIENTO - Diamars den oranan di mainta centro
di alarma a keda informa cu un garashi na Seroe Biento ta na
candela y tin varios auto aden. Di biaha a despacha tres uni-
dad di brandweer pa e sitio. Tanto polisnan como unidad di
ambulance tambe a keda despacha. Polis a cera e caminda pa
ningun trafico yega cerca debi cu e trucknan di brandweer ta
riba caminda. Ta desconoci kico tabata causa di e candela unda
varios auto a pega candela. Personalnan di brandweer despues
di basta rato a logra combati e candela grandi aki.

Accidente fuerte entre Safari

Jeep y un auto na Arashi

ARASHI – Dialuna durante oranan di atardi a sosode
un accidente entre un safari jeep y un auto particular
net dilanti di Arashi.

Daño material tabata basta, ningun persona herida. Perde
control tras di stuur a hunga un rol cu e accidente aki a pasa.
Polis tabata presente y roadservice a keda encarga.

Auto a dal tras di brommer na Cura Cabai

CURA CABAI - Na e tweg di Pieterboerstraat na Cura Cabai a sosode un accidente
entre dos auto y un brommer.

Ta asina cu e brommer para na e T-weg menciona pa bay subi caminda grandi a scucha su tras
con un auto Honda ta biniendo duro y pa evita e auto dal e a purba sali pero tabata biniendo ve-
hiculonan riba caminda grandi, asina mes e Honda a dal basta duro tras di e brommer y esaki a
pone cu e brommer a bay subi caminda dal den un Swift bahando for di pariba. E motociclista
a bula prome cu e brommer a subi caminda pa evita lo peor. Ambulance a presenta pa atende
cu e victimanan. Polis presente a pone e chauffeur di e auto supla.