Page 136 - KPA

Honda a dal y esnan mas herida a core bay laga pasahero

herida atras benta riba Sasaki Weg

Monday, 27 February 2017 09:39
Comparti

Polis a wordo manda cu urgencia den direccion di Sasaki Weg diadomingo anochi despues di carnaval. A drenta
informacion cu tin accidente. Na yegada di Polis a topa cu e auto Honda tur kibra.

E auto a baha caminda y sea a bolter of a bay dal tambe den un mata di kwihi. A haya solamente un damita sinta cu
tabata hopi spanta y cu herid of corta na pia cu tabata sangra. Personal di ambulance a yega mesora na e sitio. A
cuminsa atende cu e dama. Polis tambe a yega y e damita herida a splica cu nan tabata tin mas hende den e auto pero
e no sa unda nan a bay. Testigonan cu a mira e auto dal a splica cu e otro hendenan ta hende muhe cu a baha na awa.
Nan a mira cu e hendenan tabata herida. Mientras cu Polis di trafico tabata bezig na e sitio, otro patruya a cuminsa
busca pa esnan cu a core bay. Banda di Fatum a bin topa un muhe herida. E tambe tabata spanta. El a wordo treci
bek na e sitio di e accidente. E auto tabata core hopi duro y a dal masha fuerte den e mata te cu esnan den e auto a
keda herida.

http://www.24ora.com/index.php?option=com_content&view=article&id=119132:honda-a-dal-y-
esnan-mas-herida-a-core-bay-laga-pasahero-herida-atras-benta-riba-sasaki-
weg&catid=6:policial&Itemid=8