Page 137 - KPA

Hopi chauffeur a keda deteni durante y despues di parada di
luz na San Nicolas

Saturday, 25 February 2017 10:35
Comparti

E agentenan motoriza a anuncia cu nan tin un accion completo pa e ultimo weekend di carnaval. Kier a garantiza cu
tur hende por ta sigur riba caminda y cu chauffeurnan na tino.

Durante e Parada di Luz e Polisnan Motoriza tabata na cantidad riba caminda na cierto area strategico pa controla
chauffeurnan cu tabata bin Playa. Na altura di Pos Chikito y e ruta di Playa pa San Nicolas pero pariba di brug a haci
e controlnan necesario. Asina a detene varios chauffeur cu no a pasa e suplamento cu exito. Tabata tin hopi hende cu
a bebe y a laga un chauffeur cu no a bebe stuur pa nan. Esey tabata e peticion tambe di Polisnan Motoriza y tambe
FADA cu otro fundacionnan trahando riba e prevencion y un trafico sigur. Te casi mainta e Polisnan Motoriza a keda
traha y asina por bisa cu den loke ta trafico tabata tin poco desgracia. Algun detencion si tabata tin mardiuga
despues di parada di luz pa chauffeur bebi y tur a bay warda di Polis Santa Cruz unda tabata tin Polis y Sub Fiscalnan
pendiente pa atende nan asunto. Hopi chauffeur ta duna nan coperacion 100% pa Polis haci su control y nan ta
reconoce cu un trafico sigur ta mihor pa nos tur..

http://www.24ora.com/index.php?option=com_content&view=article&id=119100:hopi-chauffeur-a-
keda-deteni-durante-y-despues-di-parada-di-luz-na-san-nicolas&catid=6:policial&Itemid=8