Page 139 - KPA

Ladron a horta celular y tablet den Sam's

Monday, 27 February 2017 10:29
Comparti

Dialuna alrededor di 6:00am e alarma di ladronicia na Sam's Electronics situa den Havenstraat a activa.

Mesora patruya di security y Polis a sali pa e sitio pero ora a yega a constata cu ladron a logra drenta, kibra porta,
kibra vitrina y cashi paden y consecuentemente horta un cantidad di celular y tablet for di e tienda di aparatonan
electronico.

Polisnan a inicia cu un investigacion mesora. A tuma nota, via grabacion di camara di siguridad cu e ladron of
ladronnan a corta e rolluik pafo, kibra e porta, drenta paden, kibra e cashi y vitrina y bay cu producto. Cuanto celular
y tablet no ta conoci ainda, mester bay haci inventario.

E positivo ta cu tin grabacion y potret di e sospechoso, pa cual comunidad lo por duna autoridad un man den señala
of reconoce e anti social cu a pensa den yega na su celular of tablet den forma "facil".

http://www.24ora.com/index.php?option=com_content&view=article&id=119138:ladron-a-horta-
celular-y-tablet-den-sams&catid=6:policial&Itemid=8