Page 29 - KPA

Havenstraat – Dialuna marduga den careda di 6’or polis ta bay Sam’s pa un caso di ladronicia.
Na e stio polis a constata cu e vitrina ta kibra y cu antisocialnan a drenta e luga, door di tambe
kibra un lock di e rolluik.
E ladron manera por wak ariba e imagennan di e camara di seguridad, tawata ”shop” y bay cu
loke e gusta, por wak un parti di cuero di e ladron cu ta un persona color cla. Segun nos por a
compronde e lo a bay cu smartphones y tablet.

Homber na sanger banda di caminda na Calbas

17 hours ago 0 401 Views
Calbas – Diadomingo anochi polis ta bay e crusada di Calbas pa un persona na sanger, banda di e
barancanan.
Polis berdad ta haya un homber cu un herida na su cabes cu tawata sangra hopi.
Nan a pidi pa ambulance, pero e ora ey ambulancenan tawata hopi ocupa y a tarda pa yega e sitio.
E homber cu tawata mustra di ta bou influencia lo a cay dal su cabes, causando un herida cu tawata
sangra profusamente. Ambulance a presenta despues di algun rato y a prepara e cabayero pa bay
hospitaal.
Polis mester a compaña e personal di ambulance, paso e cabayero lo tawata poco fastioso.

Homber sospecha di a horta 4 tire cu nan reem

deteni

2 days ago 0 883 Views
Caya Betico Croes – Diasabra merdia polis a ser pidi pa yega lihe na Jossy Motors. Un persona a
yega eynan y lo tin cuatro tire cu nan reem pa bende y tawata pa un bon prijs.
E caso a lanta sospecha, momento cu a bira conoci cu un dia prome 4 tire cu reem a wordo horta
for di area di Hot Zone y esaki tawata di un auto marca Honda.
Esnan a cu a perde nan tirenan a presenta of tawata presente a reconoce e tirenan, cu tawata di su
auto.
Polis mes ora a detene e homber como sospechoso di a horta e tirenan, tambe a polis a bay cu e
tirenan pa investigacion. A transporta e homber pa warda di polis na Playa.

Conoci di polis haya cu baterianan horta

3 days ago 0 945 Views
Belgiëstraat – Diasabra marduga patruya di Playa ta bin topa un conoci di nan panort di rotonde
di Belgiëstraat.
E conocido Chico Gang tawata ariba un bicicleta y lo tawata tin dos bateria di auto cu ne y tambe
un rug tas. Polis a bise pa para, pero e homber aki no sa ta kiko scucha di polis y a cuminsa core
rond.
Panort di rotonde ela baha for di e bicicleta y a purba core bay, pero despues di a core un rato e
agentenan a logra detene y pone den boei.
Na e sitio nos a compronde cu e baterianan lo ta pertenece na vehiculonan di Playa Liquer y lo
no ta prome biaha cu e lo a haci esaki.
Nan lo tin e ariba video tambe, pues e biaha aki si ela wordo gara.