Page 30 - KPA

Un pick up di polis a hiba e baterianan y su bicicleta warda.
Ladronnan a drenta ATM di RBC cu mal intencion

3 days ago 0 920 Views
Palm Beach – Diasabra mainta trempan polis di Noord ta bay RBC Bank situa na Palm Beach.
Segun informacion antisocialnan a purba di forsa e night deposit box. Tawata tin indicacion cu
nan lo a usa tools pa trata na kibre, pero no a logra.
Agentenan a pidi a presencia di departamento tecnico y tambe recherche.
Na final ora esun encarga cu e ATM di e banco a yega e ta bisanan cu e night deposit lo tin algun
tempo caba for di servicio, pues esnan cu a bay eynan pa horta lo a gasta nan energia pornada.

Despues di algun dia di rust, atraco arma tey bek

!

2 days ago 0 733 Views
Montaña – Diasabra anochi despues di algun dia di sosiego, un atraco arma ta tuma luga na un
cas na Montaña.
Tawata den careda di 9:30 cu un comerciante chines ta yega su cas y ta bira victima di un atraco
arma.
Algun dia atras autoridad a pone man ariba varios persona sospecha di a comete diferente atraco,
e isla a hala un rosea y cos a “calma”.
Lamentablemente no tawata pa un tempo largo.
Señora Rasmijn vocero suplente di cuerpo policial a dune e siguiente relato :
“Pa mas o menos 9or di diasabra anochi central di polis ta haya un jamada bisando cu na
Montaña lo mester a tuma luga un atraco. Na jegada di patrouille di polis ta bin topa cu un
meneer na e cas cu ta conta cu un rato prome 2 hende homber den un auto blanco lo mester a
atrake ora e la caba di jega su cas. Tur cos a pasa den su garage ora e la para su auto. Nan no
tawata tin cara tapa y un di nan tabata tin un arma di candela. Nan a papia papiamento y loke nan
a bai cu ne ta un tas cu un botter di awa den dje y su Iphone. Un rato despues ta bin encontra cu
un auto blanco na altura di e veld di Jong Aruba para sin hende aden y motor ainda cayente. A
pidi takelwagen na unda a hiba e auto warda pa asina polis tecnico hasi su investigacion y wak si
e lo ta relaciona cu e caso di atraco. Atraco team y slachtofferhulp a presenta na e sitio tambe.
Ken cu por a wak algo jama tiplijn di polis 1114”.
Conoci di polis gara den cura di cas na

Julianastraat

2 days ago 0 665 Views
Julianastraat – Diasabra anochi polis ta bay na Beatrixstraat cu urgencia, pa motibo cu habitantenan a
gara un ladron.
Na yegada na e adres den Beatrixstraat parse cu e ladron a bula cura y bay na un otro cas, situa den
Julianastraat.
Dos patruya a yega na e sitio y den Julianastraat nan ta detene un conoci di nan, esto e adicto yama Dof.
Posiblemente e lo a bay cu intencion pa horta, pero lo a wordo gara y momento cu e lo a trata di huy nan
a gare y wante te ora polis yega.