Page 32 - KPA

den comunidad y manera e ta wordo bisa na spaña, pescar den rio revuelto, y haci politica cu su nomber.
E ta un detenido. E ta cera de KIA y den KIA tin criminal, no tin angelito. Pero esey no kiermen cu un
criminal no por cambia su bida y esey ta purbando di haci y e ta haciendo su best. Pa cambia su bida y
den e proceso ey pa cambia bida for di eyden, tur tin e opcion di comporta bo mes bon y haya un
beneficio of no comporta y haya mas castigo. El a dicidi di cambia, pasobra el a realisa cu bida den
criminalidad no ta bida y bo no ta yega na nada. Pa cualkier detenido, e libertad den forma paulatino of
definitivo, ta e miho motivacion pa nos comporta nos mes y por hay’e. Den ley ta para berdad si, manera
sra. Evelyn ta bisa, cu un verlof por wordo nenga dependiendo di e impacto den comunidad. Pero tambe
ta berdad cu for di momento cu un detenido ta drenta KIA, ta wordo bisa na dje cu si e comporta e ta
haya tur beneficio cu ley ta stipula. Ospina ta puntra su mes ki tipo di mensahe sra. Evelyn y compania ta
mandando pa comunidad, pasobra e mesun mal intencion di su ponencianan ta conta tanto pa Ospina
como pa tur e otro detenidonan y nan famia. Si pone esey refleha den voto pa su campaña, tin cu bisa cu
tur respet, cu no ta un bon strategia. No por cay den e mesun eror cu e persona cu ta traha den KIA, cu a
leak informacion pa prensa di forma emocional y no profesional, lubidando e etica y e esencia cu nan ta
representa. Despues di tur e noticianan cu a sali entorno na su salida, cu by the way, no ta Ospina a
planea di antemano pasobra su verlof el a haye casi un luna cu retraso . Hopi detenido ta puntra nan mes
si acaso ta bal la pena di comporta nan mes, si na final di dia no ta bay tin ningun beneficio. Danki Dios
toch por ta trankil cu tin husticia na Aruba, cu ta castiga, pero cu tambe ta reconoce derechonan.

Ospina no ta desea di cay den discusion politico, pasobra e no ta politico. Simplemente e ta un seer
humano cu a reconoce su erornan y cu e ta haciendo su best pa sali un miho persona for di un luga cu
escasamente ta ofrece cuminda pa come y that’s it. Pasobra no tin nada pa haci den KIA pa por traha riba
resocialisacion. No kier culpa ningun hende, pero simplemente esey ta e berdad. Por imagina un minister
Dowers purbando su best den parlamento, buscando toch un forma pa yuda resocialisa e detenidonan y
ta haya su mes cu un gang di cuello blanco, hungando rol di santo, contra su bon decision. E ta trankil, e
ta busca di Dios. E no ta busca problema. E tin su famia mescos cu tur otro detenido, cu ta sufri pa via di
nan eror. Pero e ta buscando ayudo, no problema. Ospina ta spera cu sra. Evelyn y compania laga Ospina
trankil. E miho campaña cu otro topico, pasobra no ta husto cu ta ataca un persona cu no por defende su
mes y ta abusa di su influencia. Ospina ta keda haci oracion pa tur, pa bienestar di Aruba y un miho
futuro. E ta poniendo di su banda, door di cambia su bida, awo sea responsabel y pone di boso banda
tambe, el a bisa. Tin tantisimo otro topico pa haci politico cun’e. Y ta eligi un topico. E mesun topico
atrobe di cuater aña pasa y lo ta bon kisas pa sra. Evelyn check cu e bufete di abogado di su famia, cu ta
asesorando Ospina su famia den un caso civil miyonario na Colombia, unda nan tambe nan lo bay haya
hopi placa y su comentarionan ta perhudicando su mesun famia. Sra. Evelyn y compania ta sembrando
maldad den un comunidad cu awo mas cu nunca mester speransa, no di sembra confusion y sosobra.
Mester awo mas cu nunca pa guia pueblo den caminda di Dios. Esey ta un carta cu Ospina a skirbi riba e
ponencia riba sra. Evelyn den e ultimo tempo den prensa, atacando Ospina pa motibo cu el a bay cu
verlof dia 13 y 14 di Februari y cu by the way a bira Cristian, manera cu el a laga sa den e videonan cu el a
manda pa prensa. Kiermen, cu tur respet di otro creencianan religioso, pa Ospina, no ta nifica nada