Page 16 - BNDIA ARUBA
P. 16
A16 HENDE
Dialuna 17 Juni 2019
Aruba ta conta awor cu mas persona cu conocemento di CPR & Choking
ORANJESTAD – Un anochi di curso di CPR y
choking cu a resulta e biaha aki hopi mas grandi
cu tur cu a organisa anterior. Esaki tabata un exito
serio. E participantenan a haya varios ripiticion
con pa duna CPR for di baby te cu hende grandi.
Tambe con pa trata un persona cu pega cu algo den
garganta. E curso di CPR y choking tabata riba un
nivel, con por yuda un persona cu mester asistencia
te ora ayudo profesional yega na e sitio. (Call 911)
Un danki ta bay na e team di profesional cu a duna e
curso, specialmente na sr. John Tromp di IMSAN cu a
encabesa e curso hunto cu e profesionalnan den e ramo
manera sra. Olga Tromp, sr. Joshmar Hoek y sr. Hubert
de Cuba. Aruba ta conta awor cu 97 persona mas cu a
ricibi nan certificado pa un total di +/- 200 ciudadano
cu a pasa nan curso desde juni 2018 den Centro di Bario
Brazil.
Centro di Bario Brazil ta bay sigui organisa mas curso di
CPR y Choking, alimentacion y tambe di actividadnan
fisico y salud.
