Page 12 - BNDIA ARUBA

a12 riba caya
Diamars 27 November 2018

Accidente fuerte na crusada Palm Beach y un chauffeur a core bay

ORANJESTAD -
Diadomingo den careda
di 3or DI marduga na e
crusada di Palm Beach a
keda registra un accidente
fuerte entre dos auto.

Di biaha unidadnan di
roadservice y polis a keda
manda pa e sitio. Ta topa
cu dos Mercedes Benz
envolvi den e accidente.
Un di nan tabata tin dos
persona masculino aden y
ambos tabata herida. A keda
atendi di biaha pa personal
di ambulance, pero e otro
Mercedes e chauffeur a
bandona e sitio, kitando e
plachi number, benta esaki
den mondi y somenta.

Daño material tabata basta,
falta di preferencia a hunga
un rol. Polis a tuma e otro
auto den beslag esun cu e
chauffeur a bay for di e sitio.

Yaris a subi caminda dal den un supra

ORANJESTAD - Riba
Caya Jose Geerman banda
di Johnson’s Supermarket
diadomingo anochi a
keda registra un accidente
entre dos vehiculo cu
persona herida.
Tanto, unidad policial y
ambulance a keda dirigi
pa e sitio. A bin topa cu
un persona benta banda di
caminda ta keha di dolornan
fuerte na curpa. Ambulance
a presenta rato despues, debi
cu tabata basta ocupa. Polis
di trafico presenta a haci nan
investigacion y determina
cu e Yaris a subi caminda dal
den e supra. Daño material
tabata considerabel.