Page 2 - ECEM

Huez a manda para welga na Arubus y manda tur hende

traha bek sino multa pisa lo a cay

Friday, 10 February 2017 17:44

Comparti

Na Mediador di Gobierno e partidonan na mesa a duna un declaracion riba e situacion di Arubus. A yega
na acuerdonan unda e trahadornan mester reanuda trabou a base di sentencia entre otro. Huez a manda
tur hende traha bek y si no cumpli ta haya 100 Mil Florin pa dia.

Partidonan mester a bay mesa bek. Arubus ta un compania estatal importante cu ta wordo subsidia cu
seis miyon. Tin un CAO vigente cu e dunador di trabou y sindicato STA. E empresa ta di hopi vital pa nos
pais. E chauffeurnan a presenta nan preocupacion pero e servicio tambe mester sigui. Diego de Cuba
sindicato STA a splica cu semper nan bin na mediador ta sali cu solucion. Segun Diego de Cuba ta pa
diferente motibo a bin cu e stap aki. E cos aki no por continua asina aki. Cada biaha no por bay na
gerencia. Despues di reuni a kibra na mesa. Esey a conduci na un accion. Sindicato STA a pidi disculpa
na henter e pueblo pero esaki mester a wordo haci. El a bira un wake up call unda mester a drenta e
situacion. No ta produente pa laga e chauffeurnan di autobus core sin rijvergunning. A bay na traha un
protocol pa trece paz laboral. E ta condiciona na cierto rekisito cu mester atende. E cosnan aki mester a
wordo haci hopi tempo caba. No mester forsa chauffeurnan sali riba caya cu busnan deplorable. Tur
hende a mira kiko a sosode unda hasta airco tabata daña y pone chauffeur sofoca. Hopi biaha Arubus ta
tarda pa pone cos den practica. Mester mira con leu gobierno ta willing pa pone Arubus draai optimal.

Ta spera cu por yega na otro. Si bo ta traha den un bus caminda bus ta daña y e ventilacion no ta drenta
den e bus. Hopi chauffeur no ta worry cu e airco daña pero mester busca un manera pa e biento drenta y
tin bon ventilacion. Ta spera cu e resultado ta positivo. Tur hende ta responsabel pa pasa su keuring na
SVb. A mustra Diego de Cuba cu e trahadornan mes hopi a keda sin bay pasa keuring y esaki a causa
problema pa e rijvergunning. Asina mes nan tin ok di DTP pa core y nan tin nan rijbewijs tambe di Bus.
Un trahador cu no pasa su keuring e mes ta causa problema segun Diego de Cuba. Mester cumpli cu ley.
Na por yuda como STA pa genera entrada pa Arubus pero e gastonan tambe mester wordo controla. E
forma cu ta gasta placa na Arubus tambe ta cos di cuestiona. Diego de Cuba a splica cu tin factornan cu
por haci uso riba dje. Tin puntonan valido cu a demostra cu falta diferente cos. Awor aki mes e Green
Corridor a lubida e parada di bus. E infrastructura mester tey pa e bus drenta y sali sin problema segun
Diego de Cuba. Por busca 100 bus nobo pero si no tin bushalte ta hibando awa lama pasobra ki ora baha
di caminda ta causa daño na e ‎bus.

Comentarionan (0)