Page 3 - ECEM

http://www.24ora.com/index.php?option=com_content&view=article&id=118590:huez-a-manda-para-
welga-na-arubus-y-manda-tur-hende-traha-bek-sino-multa-pisa-lo-a-cay&catid=1:local&Itemid=5

Salarionan na Arubus so ta 9 miyon y subsidio di gobierno 6
miyon

Friday, 10 February 2017 17:47

Comparti

Teo Croes director di Arubus a splica cu nan a bay corte despues cu welga a cuminsa marduga y huez a
tuma un decision obligando tur hende bay traha bek. Tin un protocol cu a wordo traha tambe a base di e
sentencia unda partidonan a bin mesa.

E trahadornan mester a bay traha mesora pero tabata wardando riba e carta of protocol pa wordo firma.
Tin hopi cos cu ta pasa cu awe e bus ta den un estado caminda tin problema segun e director. E bus ta
core hopi y hasta diferente warda pareu sin cu e motor ta paga. Tin bus para y bus cu a accidenta cu no ta
core mas. Tin 12 bus para di cual tres ta coriendo caba mesun dia. E partsnan atrasa a yega tambe y esey
ta pone cu e busnan ta bay bek den funcion. Tabata tin keho cu busnan no ta bon y tog ta sali caya.
Ningun bus no ta sali si esaki no ta apto segun Teo Croes. E busnan den servicio ta core mas ora otronan
ta daña. Na Arubus tin gastonan halto. E payroll ta sumamente halto. E gastonan di salario anual ta 9
miyon pero e subsidio di gobierno ta di 6 miyon. Nan ta perde hopi pasahero ultimo tempo y esaki tin su
factornan.

E sa cual nan ta tambe y e vocifera esaki caba na autoridad responsabel pa Arubus su existencia. E salario
averahe di trahadornan di Arubus tabata core riba 6 mil florin pa luna pa cada trahador. Algun tempo
pasa a logra pa baha esaki tog na bienestar di e compania. Awendia e ta den careda di 5900. Esaki ta
inclui e beneficionan etc den e placa total. A mustra e director di Arubus cu AruParking tabata tin un
tarea pa atende. Teo Croes a splica cu AruParking tabata tin dos meta. Uno tabata pa controla e parkeo
malo y otro pa genera e antrada pa Arubus. Tin cosnan cu a ‎sosode cu na caminda a stroba e entradanan.
Algun ta corta e orario di cobra pa parkeer y tambe duna free parking cierto area. Tur e cosnan aki a
stroba AruParking di gana placa segun e director.