Page 4 - ECEM

Comentarionan (0)

http://www.24ora.com/index.php?option=com_content&view=article&id=118591:salarionan-na-
arubus-so-ta-9-miyon-y-subsidio-di-gobierno-6-miyon&catid=1:local&Itemid=5

No a mira ex Minister Otmar Oduber durante welga di
Arubus

Friday, 10 February 2017 18:29

Comparti

STA y su miembronan di Arubus, a bay den accion Diabierna marduga , caminda a denuncia diferente
cosnan malo cu ta pasando y problemanan serio cu tin cu e flota di bus di e compania.

Busnan nobo cu recientemente a wordo cumpra y cu a resulta di mal calidad y cu ta fayando totalmente y
otro cosnan cu ta pasando cu tin e trahdonan di Arubus preocupa. Ausente grandi durante di e welga aki
na Arubus, tabata ex Minister di Transporte, Otmar Oduber kende algun aña atras a organisa un
actividad publicitario grandi riba tereno di Arubus, cu bautismo di e busnan y papiando cu e busnan cu a
wordo cumpra ta esunnan miho cu tin y cu a costa menos placa. Awe e dicho di “lo barato sale carro” ta
bira un realidad pa e ex Minister Otmar Oduber kende durante welga no a duna cara pa splica kico el a
haci cu e compania aki durante cu e tabata shete aña Minister di Transporte.

Normalmente e lider di POR ta bay para na tur proyecto di Gobierno di AVP y mesora ta lanta bula bin
papia ora cu ta trata aki cu tabata concerni un di su carteranan cu el a carga pa shete aña largo pero
diabierna mainta e no ta duna declaracion na prensa y no a presenta pa defende su maneho cu awor a
resulta di ta un desaster completo mirando kico ta pasando cu e busnan. STA a duna splicacion kico ta
pasando y e peliger cu e busnan ta coriendo rond y Otmar Oduber ta esun responsabel ya cu dos luna y
mei pasa ainda e tabata responsabel pa maneho di Arubus pero el a keda keto henter dia sin duna
declaracion di kico el a haci y di con e busnan a resulta asina malo.

Comentarionan (0)

Mustra/Kita comentarionan