Page 4 - KPA
P. 4
Accidente den birada peligroso na Franse Pas
Friday, 24 March 2017 08:37
Comparti
Den careda di 9:50 di anochi patruya di trafico a ser dirigi na e birada peligroso di FransePas. Aki a
sosode un accidente. Na yegada di patruya a bin encontra tres auto envolvi. Mesora polis a cuminsa chek
kiko por a sosode y despues a bin saca afor cu e Kia Picanto color bruin numera A-15647 a hala na su
man robes net den e birada skerpi.
Aki a bin topa cu un Toyota Supra color cora numera A-68035 cu a dal frontal den e Kia Picanto y e
Nissan color preto numera A-64523 a dal tras di e Supra. Ora polis a bay chek cu e manehador di e Kia
Picanto, polis a nota cu e lo ta un poco bebi. Mesora a pone supla y e chauffeur su rosea a surpasa e
limite. El a keda deteni y polis a manda pidi dogcatcher pa asina transporta e homber aki pa warda di
Santa Cruz. Danjo material tabata basta grandi na tur tres auto. Mester a move autonan cu takelwagen
tambe.
