Page 5 - KPA

Accidente fuerte na Jaburibari cu

persona herida

E impacto a saca e dos personanan sinta den e pickup:

Diahuebs atardi riba e caminda di Jaburibari altura di Tesco supermarket a sucede un accidente
fuerte na momento cu un pickup bayendo nort a yega lora dilanti un altezza y consecuencia e
autonan a dal contra di otro draai pa despues e pickup dal riba un kia suv den e parkeer plaats di e
supermarket. E impacto a saca e dos personanan sinta den e pickup y polis a bin hayanan benta
abou cu dolornan fuerte na curpa. Paramedico di ambulance a atende cu e heridonan y a keda
transporta pa hospital.

Atraco di 100 mil florin: Homber

papiando spaño cu arma di candela a

atraca persona na Totolicastraat

E sospecho lo a core bay na pia direccion di Alablancastraat:

Diahuebs mainta pa mas o menos 9:30 central di polis ta haya un yamada bisando cu un atraco lo a
tuma lugar na altura di Totolicastraat. Ta asina cu na yegada di patruya e persona hende homber ta
bisa cu e ta un tripulante di e un boto di carga cu ta bin di Venezuela . E ta e persona cu lo ta
encarga pa cumpra loke ta whisky y sigaria pa bende den exterior. E ta declara cu yegando na e
negoshi ( tramite di papelnn di adouane etc. ) cu tin na Totolicastraat un hende homber habla spaño
y NO cara tapa a saca un arma di candela y a bay cu e tas cu placa y documentonan.