Page 66 - HOSPITAAL

Ta importante pa evita cuminda

contamina durante campamento

Posted on 04/12/2017 6:44 pm AST | Updated on 04/12/2017 8:16 pm AST

ORANJESTAD - Ta importante pa evita cuminda contamina durante campamento. Nos
ta den e temporada masha gusta di campamento. En conexion cu e temporada aki,
departamento di Salud Publico ta pone atencion na esunnan cu ta bay campa pa no
neglisha e importancia di siguridad di cuminda den e temporada aki. Yvette Geerman,
Hefe di Dienst Warenkeuring en Hygiene di DVG, a remarca cu nan tin algun tip pa
campadonan pa pone atencion riba dje pa asina nan por evita di bira malo door di
cuminda.

Mescos cu na cas aworaki durante campamento, corda bon cu tur cuminda cayente mester
mantene cayente. Cu cayente ta referi na un temperatura di 65 grado of mas ariba,
Geerman a remarca. Cumindanan friu mantene nan friu, na un temperatura di 5 grado of
bou di 5 grado. Corda di hiba un jug cu hopi ijs of gel pack cu asina por warda cuminda
friu den dje.

“Planifica bon ki tipo di cuminda bo ta bay hiba den e temporada di campamento y con lo
bo bay prepara e cuminda e temporadanan aki”, ela remarca. E cumindanan di bleki p'e
temporada aki lo ta ideal pa ora bo ta pafo di cas. Cumindanan di bleki DVG ta referi