Page 15 - BNDIA ARUBA

A15
HENDE Diasabra 5 Januari 2019

OPPA a celebra su cena di Pasco

ORANJESTAD - Recientemente Organisacion di Pen-
sionado Publico Arubano (OPPA) a tene nan Cena di
Pasco na Renaissance Convention Center.

E anochi aki Directiva y Comision di Actividad di OPPA a
nombra 4 Boluntario di aña. Boluntario cu semper ta yuda sin
ningun interes, dedicando nan tempo liber na e Organisacion.
E personanan aki ta: Silvia Wout, Luci Rubiano, Ruben Giel
y Alfredo Capelo. Cada un di nan a haya un bunita plakkaat,
obsekio di OPPA, pa demostra e gratitud na e miembronan
aki. Durante e anochi aki OPPA a rifa varios premio bunita,
bou di e miembronan presente. Pabien na e ganadonan.
Manera semper e miembronan presente a gosa bailando bou
di e ritmo di e Banda BADU. Nan por a scoge nan cena for di
un buffet exkisito y bon surti cu diferente cuminda cu e toke
tradicional di Pasco.
E miembronan di directiva y comision di actividad ta sinti nan
mes orguyoso di por a yena un sala completo cu 500 miembro
y introducido. Cu un cara alegre, e miembronan y e introdu-
cidonan a balia henter anochi. Directiva y comision di activi-
dad por cataloga e anochi aki como uno exitoso. Tur miembro
presente a gosa di un dushi cena y di un ambiente ameno y
bon anima.