Page 20 - BNDIA ARUBA

A20 DEPORTE
Diasabra 5 Januari 2019

Pelotero Ethan De Cuba no a firma cu ningun organisacion

ORANJESTAD – Segun informacion cu nos a ricibi for
mayornan di Ethan de Cuba y contrario di loke a wor-
do publica den noticianan y social media cu Ethan De
Cuba no a firma cu niun organisacion.

Tur cos ta indica cu e hoben pelotero Ethan de Cuba actual-
mente ta bibando na Aruba y tin diferente ekiponan di base-
ball interesa den su talento cual Kansas City Royals tambe ta
un di nan, pero te ainda no tin nada concreto cu cua ekipo e
hoben pelotero aki lo firma. Loke si ta di remarca ta cu e ho-
ben de Cuba si lo por wordo firma den e aña 2019, pero esaki
ta te den luna di juli.

Les gratis di Ahedres ta bay den Bario

ORANJESTAD - Na october 2018 a cuminsa cu e proyecto ‘Ahedres
ta bay den Bario’ unda gratis les di ahedres a wordo duna na grupo di
muchanan di Traimerdia y Nos Atardi y tambe muchanan cu nan may-
ornan a inscribi nan pa les na Centro di Bario Lago Heights, Noord,
Playa Pabao, Centro Deportivo Betico Croes y Biblioteca Nacional.

Den e prome ciclo aki mas cu 200 mucha a cera conoci cu e deporte di ahedres
y actualmente Federacion di Ahedres (FAA) ta anuncia su programa pa di dos
ciclo, cu lo tuma luga for di 14 di januari 2019 pa 18 di april 2019. Tur mucha cu
kier sigui les gratis di ahedres y cu ta entre e edad di 6 – 12 aña ta bonbini. Door di
sigui e lesnan aki, e mucha ta haya conocemento di e reglanan basico di ahedres.
E biaha aki lo reparti e muchanan den grupo di 6 – 8 aña y 9 – 12 aña pa hisa e
efectividad di e lesnan.

Lesnan lo wordo duna door di e trainer di Cuba, Lázaro Bueno Pérez y lo
wordo duna den e siguiente barionan:
6 – 8 aña:
Centro di Bario Noord: Diamars di 5:30pm – 6:30pm
Bibliotheek San Nicolas: Diaranson di 2:00pm – 3:00pm
Centro di Bario Tanki Leendert: Diahuebs di 2:00pm – 3:30pm
9 – 12 aña:
Centro di Bario Lago Heights: Dialuna di 2:00pm – 3:30pm
Centro di Bario Savaneta: Dialuna di 5:30pm – 7:00pm
Centro di Bario Noord: Diamars di 2:00pm – 3:30pm
Bibliotheek Oranjestad: Diaranson di 5:30pm – 7:00pm
Centro Deportivo Sta. Cruz: Diahuebs di 5:30pm – 7:00pm
Centro di Bario Brasil: Diabierna di 5:30pm – 7:00pm

Por inscribi via e website di e federacion cu ta arubachess.com/registration-
form. Den caso cu no tin acceso na internet por yama na 594-5590 (Octavio)
of 594-1351 (Selvia) pa inscribi e yiu of pa pidi mas informacion.

FAA ta spera cu tur mayor ta haci uzo di e oportunidad unico aki pa laga nan
yiu cera conoci cu e deporte aki, ya cu e ta un deporte cu por e.o. stimula e
habilidad intelectual di e mucha. E cuponan ta limita, pues inscribi mas pronto
cu ta posibel pa sigura un luga pa bo yiu.