Page 22 - BNDIA ARUBA

A22 bistA politico
Diasabra 5 Januari 2019

Lider di AVP Mike Eman a bishita Casnan di Anciano

ORANJESTAD - Acompaña pa un grupo di Dande
(Flor di Antaño) y masha hopi simpatisante Mike
Eman, lider di partido AVP hunto cu su señora Doina
a bishita Casnan di Anciano rond Aruba, pa desea tur
e habitantenan un bon aña y na mes momento brinda
nan un Dande cu a alegra nan grandemente.

Esaki ta un custumber di hopi aña caba y semper e acogida ta
tremendo. Unda cu e yega lider di partido AVP Mike Eman
a wordo ricibi cu brasa habri y cu un curason contento. E
sonrisa riba cara di nos grandinan y esunnan cu ta cuida nan,
ta riba su mes un regalo grandi pa lider di partido AVP. Banda
di e acustumbrado Dande, e agrupacion musical ta toca tambe
algun piesa tipico pa sigura un dushi ambiente. Tur hende por
mira bek riba un dia exitoso.