Page 23 - BNDIA ARUBA

a23
bista politico Diasabra 5 Januari 2019

Partido MEP a cende pagara

dilanti cede na Santa Cruz

ORANJESTAD - Partido MEP a tira e tradicional
pagara na Cede di MEP y a haya tambe e tradicional
Dande. Simpatisadonan y sostenedonan di Partido
MEP a aglomera pa asina gosa hunto cu candidatonan
y Lider di MEP y alabes prome minister di nos pais Ev-
elyn Wever-Croes y despedi di aña 2018.

Minister Dangui Oduber na e ocasion a cende e pagara cu a
bira un tradicion di nos partido cu e sentimento pa gradici
pa e cosnan bon cu 2018 a brinda Aruba. Alabes, nos a yama
2019 un bon bini bou di animacion di e tradicional Dande di
Eric Ras y su Grupo. E publico presente a gosa di un ambi-
ente ameno di positivismo y speransa pa un aña nobo yen di
prosperidad.

Lider di MEP, prome minister Evelyn Wever-Croes a gradici
tur esunnan cu ta sostene Partido MEP y cu ta yuda den e tra-
bounan duro di partido y a expresa su deseo di por sigui conta
cu e sosten y ayudo den 2019.
“Mi tin confiansa cu 2019 lo ta un miho aña cu 2018. Par-
tido MEP a scoge pa pone e ser humano central, pa brinda
oportunidad na tur hende, sin laga ningun hende atras. Nos a
cuminsa cu e trabou grandi aki den 2018, y nos lo continua cu
fe y positivismo den 2019. Di curason danki. AyNob’e!, Lider
di MEP a expresa den su palabranan di cuashamento.