Page 28 - ATA

A16 HENDE
Diabierna 31 Mei 2019

Ministernan Lampe y Oduber a pone prome piedra di

Xavier University na Hato

ORANJESTAD – Dialuna atardi, Minister di Enseñansa
y Desaroyo Sostenibel, Armando Rudy Lampe, hunto
cu Minister di Turismo, Salubridad Publico y Deporte
Dangui Oduber, tabatin e honor di pone e prome pie-
dra pa e construccion di Xavier University School of
Medicine. Tabata exactamente 1 aña pasa cu Oduber a
ricibi e agrado noticia cu Xavier University School of
Medicine lo bay haci un inversion grandi cu ta proyecta
di ta mas di 100 miyon florin total den expansion di nan
scol di medicina den diferente fase

Minister Rudy Lampe ta hopi agradecido na Xavier Universi-
ty pa e confiansa cu nan tin den pueblo di Aruba, y e confiansa
cu nan ta deposita den Pais Aruba. Esaki ta nifica un capitol
nobo den nos historia economico. Actualmente e Universi-
dad ta haci un inversion sumamente grandi na Aruba. Ta trata
aki di mas cu 40 miyon dollar cu lo keda inverti na Aruba.

Sinembargo, no ta esaki so ta importante, pero tur loke cu e
proyecto aki ta bin cune acerca, cu ta e profesornan y studi-
antenan cu ta bin biba na Aruba pa algun tempo. Ta trata aki
di diferente studiantenan di afo, di diferente parti di mundo,
cu lo bin Aruba, tur esaki ta positivo pa nos economia aki na
Aruba.

E contruccion aki lo ta na Hato net patras di Aruba Bank y lo
consisti di dos fase. E prome fase lo construi e parti residencial,
cantina,facilidadnan deportivo y pa pasa tempo liber. E di dos
fase lo construi e parti auditorium, infrastructura, academico
y administrativo. Cu e contruccion aki Xavier University lo
bay converti den un Campus, aki lo hospeda alumnonan y
tambe profesornan kende lo contribui na Aruba su economia.
(Continuacion riba Pagina 17)