Page 31 - ATA

Tin proyectonan pendiente algun aña caba, y di parti di Fundacion Rancho, si
wak e proceso aki, e speransa ta mas grandi cu e proyecto lo cuminsa, cual ta e
restauracion di e Forno di Kalki, pa asina keda den mehoracion di e area di
Rancho, pa conserva e monumento y conserva su historia.
Pa loke ta e sushedad, Sr. Rosa a bisa cu Fundacion Rancho pa basta aña tin
bon cooperacion cu DOW, Serlimar, gobierno pa hacimenti di limpiesa, mirando
cu nan ta den stad, dilanti porta di e porta di crucero y tambe patras di un
museo arkeologico.
Pero e ta un problema cu mester di atencion, dus limpiesa mester wordo haci
tur ora. Pero e sushedad a aglomera, y ta van plan di traha ariba un waste-
management plan di Rancho. Y esey a wordo entrega na Serlimar caba. Y e
peticion pa crea e waste management plan, pa atende cu e sushedad. Tin hopi
mas cos pa atende cun’e y ta spera cu esaki trece desaroyo pa evita cu cosnan
ta sucede.
Fundacion Rancho pa hopi tempo caba ta bezig cu educacion di studiante-,
hoben- y bishitantenan. Y bou di bishitantenan ta desea di haya turista, pero
turismo awendia ta pidi pa cosnan autentico cual mester atencion pa nan
tambe. Un gran cantidad di turista den Caribe ta pidi pa cosnan cultural y
historico. Esaki ta momento cu ta wak e positivismo y atencion cu mester bin,
E Forno di Kalki, unabes cu e wordo restaura, e tin chance di subi aribe lista di
herencia cultural mundial, dus e ta algo cu hopi luga cu tin esaki, ta carece di
un turismo enorme. Pero awo nan ta binn specificamente pa esaki. Rancho ta
den porta di un turismo di crucero lucrativo. Practicamente lo sigi cu e tournan,
nan kier ta den parti di educacion.
Den pasado a cuminsa cu’n tayer pa Arutram. Por bisa cu e trayectorio di
Arutram mester continua pa asina mira e desaroyo conhuntamente cu
comunidad cu ta biba den e area di Rancho. Tabata palabranan di Sr. Clifford
Rosa, director di Fundacion Rancho.

https://masnoticia.com/ta-di-lamenta-cu-algo-mester-pasa-pa-tuma-accion-pa-proteha-e-forni-calki/