Page 29 - ATA

A17
HENDE Diabierna 31 Mei 2019
(Continuacion di Pagina 16)
Loke ta un realidad, cu e programa di gobernacion di gabinete
Wever-Croes semper a papia cu Aruba mester desaroya un
otro pilar economico, cu ta e ‘kennis economie’, unda cu e
economia ta basa riba conocemento.

Cu e desaroyo di Xavier University nos ta papia di conoce-
mento medico cu lo trece personanan di tur parti mundo cu
lo bin Aruba y cu lo inverti tambe den Aruba. Minister di
enseñansa ta sumamente contento cu e desaroyo di Xavier
University, unda cu lo enrikece e economia di Aruba. Alabes
ta demostra cu di parti di Merca tin confiansa den nos eco-
nomia y den e parti di comunidad internacional tin confiansa
den Aruba. Tur esakinan ta habri porta di posibilidad nan y un
futuro briyante pa Aruba.

Lampe na su turno a duna un discurso na tur esunnan presen-
te, y a expresa cu e ta sinti gratitud pa por representa pueblo di
Aruba na e bunita ocasion aki, y na unda cu Xiavier Univer-
sity y tur esunnan cu ta representa e Universidad ta demostra
cu hunto ta logra cosnan positivo pa Aruba.

Xavier University tambe ta reconoci pa e organonan di acredi-
tacion tanto como ECFMG (Education Committee for Med-
ical Graduates) y ACCM (Accreditation Commission for
Colleges of Medicine). Den cuadro di e preparacion di ley di
AruBIG, Xavier University ta contribuyendo den preparacion
y desaroyo di futuro medico na Aruba, esaki ta cuadra tambe
cu e vision di gobierno asina e mandatario a expresa. Oduber
a sigui bisa cu gobierno a traha duro pa logra apunta y recon-
oce ECFMG como un di e organonan acreditativo pa profe-
sionalnan den medicina por wordo reconoci pa eherce nan
trabou como medico na Aruba. Durante e ceremonia, Frank
Croes a gradici Oduber pa e atencion duna na Xavier Univer-
sity y tambe pa tur cooperacion brinda. Danki na Oduber su
esfuerzo awe e scol ta wordo acredita.

Oduber ta gradici e president Sr. Rabishamkar Bhooplapur,
Mr. Edwin Casey (Chairman), dr. Bhat (Chancellor), Mr.
Frank Croes (Trustee), Dr. Arun Dubey (Academic Officer)
y tur demas miembronan di directiva di Xavier University
School of Medicine pa e tremendo proyecto aki cu sigur lo
aporta grandemente na economia di Aruba.