Page 27 - MIN ON

Tin diferente situacion
social cu maestronan di
scol ta confronta cu ne y
cu mester di atencion

Published on March 9, 2017 in Social/SPLASH
ORANJESTAD, Aruba

Na Aruba tin varios caso di mucha muher cu ta corta curpa dia pa dia mira esakinan na
diferente scol na Aruba y na unda cu hasta maestra nan di scol a cuminsa bati alarma
riba tipo di casonan asina cu ta tumando luga. Pesey a acerca Departamento Centro
Social pa tende for di Sashka Kock kende ta ortopedagoog cu ta traha riba tipo di
casonan asina. E casonan aki enberdad ta bin dilanti unda e hoben ta deal cu su
estado emocional door di sake den dolor fisico. Den casonan asina hopi biaha ta duna
terapia segun Sra. Kock, pasobra mucha muhe mas tanto ta hopi den nan mes y pesey
ta pone e atencion riba nan mes, mientras mucha hombernan cu ta sinti fastioso ta
saca esaki via agresividad. E daño fisico no ta solamente cortamento di man segun
Sashka, pero ranca cabei y dal su mes cu mokete y dalmento di cabes na muraya.
Tambe tin caso cu e hoben ta scoge pa kima su mes cu un lighter of cualkier obheto.
Esey ta mas tanto loke e hobennan ta haci pa haci daño na su mes.

Ora un hoben tin cierto daño fisico e ta purba di camufla esaki door di pone hopi
armband na e man of cana cu paña manga largo. Tambe e hoben ta mustra hopi tristo
hopi ansiedad y ta aleha su mes di e peer group. Tur esakinan ta señalnan cu algo ta
birando fastioso pa e hoben. Tambe hopi biaha e hoben ta cana cu artefactonan straño
un lighter por ehempel y e no ta huma, of un blid of slijper kibra for di otro, tur ta señal
pa e corta su mes. Pa mayornan of docentenan cu ta ripara esakinan den un hoben,
mester tume na serio pasobra algo ta pasando cu e mucha of hoben. Momento cu ta
ripara cu un hoben tin dolor emocional e adulto mester yuda saca afo kico e ta pa jude.

Tin caso cu mayornan ta zundra e yiu bisando, ‘si ta corta bo kier corta bo curpa, corte
poco mas hundo’ e mayor no ta compronde cu e hoben ta pidiendo ayudo y cu tipo di
comportacion asina e ta pidi yudansa. Segun Sra. Kock, e mayor mester puntra su mes
kico e ta haciendo fout cu ta conduci na conducta di e yiu, kisas e ta hopi streng cu e
yiu of e parti di comunicacion cu e yiu no ta bay bon, problema familiar of problema
domestico of divorcio cu ta hopi fastioso pa e mucha, cosnan asina ta afecta e
hobennan. E casonan aki por bin den tur edad, pero hopi biaha den pubertad, special
ora e mucha cambia di un scol basico pa un scol mas grandi y tur esakinan tin su