Page 28 - MIN ON

retonan pe. Tin caso cu e mucha ta corta su mes un biaha so, pasobra e ta haci dolor.
Pero tin ta bisa nan ta corta nan mes debi cu nan dolor emocional ta asina fuerte cu ora
nan corta e ta un sensacion hopi dushi cu ta pone cu nan ta trankilisa nan mes.

Ora un persona ta corta su curpa no necesariamente e lo kier mata su curpa, pasobra
esaki tin hopi factor pa yega asina leu. Na Departamento Centro Social mes no tin
registracion di e casonan aki, pero si tin registracion di famia unda e mama y e tata ta
den problema, tambe e por ta e relacion di comunicacion entre mayor y yiu y e parti di
violencia domestico y trauma. Den casonan asina mayornan no ta para keto pa mira
kico exactamente ta pasando cu e yiu pakico e ta tristo, pero ta consola e yiu cu mangel
of hibe come un fastfood pa calma su tristesa. Esaki ta un parti di educacion unda
mayornan mester para keto na dje, pasobra un mucha no mester pensa cu ta oke pa ta
tristo y cu e mes mester trata su so.

Mayornan mester pensa cu hopi biaha e mucha of e hoben no tin e habilidad pa trata cu
su emocionnan. Si un mucha of un hoben no ta sinti e confiansa pa cu su mayornan
den situacionnan asina, semper pidi ayudo na un maestro, cabesante di scol un mentor
of mama di un amiga. E hoben por acudi na departamento di Centro Social of pidi un
cita cu un trahado social. Dokter di cas tambe por yuda door di duna un carta pa haya
un terapia. Loke por yuda e hoben momento cu e ta den situacion hopi emocional, e por
expresa su mes den forma di un poesia of cantica cu por yuda e hoben pasa den
emocionnan hopi fastioso. Sinembargo importante ta pa corda cu amor entre mayor y
yiu ta necesario. Duna tempo na otro y comparti cu otro.

Departamento di
Enseñansa a firma
acuerdo cu Centro pa
Innovacion y Guia
Educacional di Corsou

Published on March 8, 2017 in Educacion
ORANJESTAD, Aruba

Durante e siguiente 3 añanan aki, Minister di Enseñansa di Aruba, Departamento di
Enseñansa, Dienst Publieke Scholen y Centro pa Innovacion y Guia Educacional