Page 53 - VOS

Estrella trahando duro pa realisashon di stadion Maikel
Lopez

Monday, 06 March 2017 10:40
Comparti

Trabao nan pa realisashon di nos proyecto Stadion Maikel Lopez ta continua ariba tereno di Estrella
situa na Papilon. Por aprecia ariba foto cu trabao nan a cuminsa ariba tereno situa na Papilon pa pone
heki parti panort di tereno.

Cu aporte y cooperashon di nos pueblo, nos fanatico nos por realisa y pone yerba artificial ariba tereno di
Estrella den un futuro sercano. Ta importante pa Aruba, fanatico nan di Estrella y amante nan di futbol
en general por coopera y duna un man pa realisashon di e noble causa aki cu sigur ta na bienestar di nos
hubentuden general pa nan propio desaroyo. Estrella su directiva y comishon nan trahando duro y ta en
busca di e fondo nan financiero pa por logra esaki cu exito. Nos ta spera cu fanatico nan, comercio por
duna un man na Estrella e naranhada nan di Sta-Cruz cu nan rifa di auto cu lo tuma lugar dia 28 di mei
proximo. Estrella lo saka e ganador di su auto nobo dilanti di Top FM 95 cu musica y animacion. Na tur
interesado cu ta desea di por yuda bende, por comunica cu miembro di directiva na e siguiente cell:593-
9301 of 597-4254.

Estrella ta ofrece e oportunidad pa tur su rebendedor nan pa por gana un comishon di 40%. Nos ta pidi
cualkier boluntario cu tin deseo di coopera, pa acudi na Estrella diasabra awor pa duna un man cu
Estrella Aruba Doet. Directiva y comishon Stadion Maikel Lopez ta sigui cu e mision y vision pa
realisashon di Estrella su meta. Por comunica cu Michel Lopez na cell: 594-2671 cu porcierto ta
coordinador principal di e proyecto aki pa diasabra awor Aruba Doet cu Estrella. Danki na tur sponsor,
VNO, PPG Paint, CERD NV, Serlimar, Fortis Realty, Shop TV, Top FM 95.1, Sr.Edgard Vrolijk, Endy
Croes, Solo di Pueblo, A.I.S. y Michel Lopez, A&H Technical Service y Sr.Arie v/d Linden, Edmond
Croespa boso aporte na Estrella. Cu cada paso, Nos Forsa ta Aumenta!