Page 17 - BNDIA ARUBA

A17
HENDE Diaranson 10 aPriL 2019

Dos tayer di arte a termina na Centro di Actividad Rancho

ORANJESTAD– Na cuminsamento di maart dos tayer
nobo a cuminsa na CAR, Stencil workshop y Tayer di
klei, unda grandi y chikito por a participa. E dos ac-
tividadnan aki tabata tin algo importante comun, pa
trece hende hunto, siña algo nobo y conserva historia y
cultura di e bario di Rancho.

E diferencia entre e dos actividad ta e ofishi cu e participante a
siña traha. Den e stencil workshop duna pa artista: Velvet Ra-
mos e muchanan a siña e tecnica di printmaking, su historia y
funcion, Na final di e proyecto, nan a pone nan arte inspira pa
e tema di AWA riba muraya den e Hanch’I Awa den Rancho.
Comunidad completo ta wordo invita pa bishita e hanchi y
mira e bunita pintura y stencil riba muraya.

Den e tayer di klei duna pa maestra di klei Trudy Lampe a
enfoca riba trahamento di artesania di klei. Unda mayornan a
wordo encurasha pa asisti nan yiu den e trahamento di klei y
asina uni cu otro pa medio di klei.

E participantenan a traha obhetonan inspira pa e herencia y
historia di e bario di Rancho, cu e meta pa laga e participan-
tenan conoce mas di e historia di e bario. Tur dos tayernan a
termina exitoso, den futuro lo ripiti e tayernan aki un biaha
mas, keda pendiente. Riba nos Facebook Page/ Centro di Ac-
tividad Rancho nos ta informa pueblo di nos proximo tayer-
nan, actividad y proyectonan.

Arte di klei obtenibel na CAR
Participantenan di e tayer di klei a traha un cantidad di ob-
heto di klei y algun di nan awor ta obtenibel y na benta na
CAR. Nos kier invita tur hende cu ta interesa cu cumpra un
di e obhetonan pa pasa na Centro di Actividad Rancho. Adres:
Koningstraat 38, Oranjestad Aruba, durante orario di oficina.
Esaki ta pa recauda fondo pa nos por sigui cu su proyectonan.