Page 65 - KPA

Cuater criminal cara tapa a mara empleado di Fast Delivery
Marduga y kibra dos caha fuerte sin haya placa

Thursday, 04 May 2017 22:06
Comparti

Diahuebs marduga pasa di 1:30 cuater criminal a drenta propiedad di Fast Delivery den
Rumbastraat y asina ataka e trahador cu ta traha marduga.

E trahador ta sea laba auto of mantene e cura y matanan marduga mientras e ta cuidado
tambe e propiedad. Ya caba tin un idea kende ta e ex trahador cu a orkestra e cos aki. Ta
cuater homber cara tapa a bula e cura banda pariba y asina a logra yega na e trahador cu net
a bay coy algo den e auto. Nan a gare di patras y djey a tapa su cabez cu un paña. A mare na
pia cu su mesun veternan di zapato. Tambe a menaze di lo mate y tabata bati banda di su
cabez cu un hero. E criminalnan aki a drenta den e edificio y djey bay directamente den e area
unda e caha fuerte tabata warda den baño. Dos a papia spaño, un a papia ingles y e di cuater
ta Arubiano pero no tabata papia pa nan no reconoce e stem. E camara di seguridad a graba
tur cos. A causa un desaster den e lugar cu a keda tur na awa pasobra a bolter e baki di awa di
e conchi di wc y kibra muraya pa logra drenta. E criminalnan a keda como 45 minuut den e
lugar. Despues cu nan a bandona e sitio, a dura basta prome cu e trahador a logra los y asina
bati alarma. El a core bay na un otro lugar den cercania asina nan a yama Polis. Polis a yega y
cuminsa investigacion. Riba e foto por mira mas di e caso cu a tuma lugar na Fast Delivery. E
ladronnan a laga un pata di cabra, un pechi y un flashlight atras. E aito cu nan a bin cune y e
number ta conoci y autoridad tin esaki. Ta cuestion di yega e momento pa haci e detencion. E
criminalnan a bin pa algo pero a dal den bashi pasobra no tin placa den e caha fuerte.

http://www.24ora.com/index.php?option=com_content&view=article&id=121477:cuater-criminal-
cara-tapa-a-mara-empleado-di-fast-delivery-marduga-y-kibra-dos-caha-fuerte-sin-haya-
placa&catid=6:policial&Itemid=8