Page 69 - KPA

Minister Arthur Dowers y Minister Richard Arends, encanta
cu e exposicion di ACCP

Thursday, 04 May 2017 21:55
Comparti

Desde dialuna ultimo, a cuminsa conferencia di di e asina yama ‘The Association of
Caribbean Commissioners of Police’, esta ACCP.

Esaki ta e di 32 bes cu e ta wordo organisa y esaki ta e di dos biaha aki na Aruba. E
prome tawata dies aña pasa, pero segun e propio organisacion ACCP, cu esaki ta e di
32 conferencia cu ta wordo teni anualmente y esaki ta esun di mas grandi, esta cu mas
tanto participacion. E topico di discucion prinicipal e biaha aki ta ‘Globalization and
Transnational Organized Crime’. E topico nan aki di discucion ta wordo teni den
sesionnan priva cu tur e alto mando policial di diferente pais, mientras cu tin varios
instructor di rond mundo cu a bin pa duna workshops na miembronan di nos cuerpo
policial. E conferencia di un siman largo, cu a cuminsa dialuna ultimo y lo colmina
diabierna, tambe a ofrece presentacion di materialnan mas moderno pa cuerpo
policialnan rond mundo. Varios ta e companianan renombra internacionalemte a bin cu
nan materialnan pa mustra kico tur nan ta ofrece. Minister encarga cu Husticia sr.
Arthur Dowers hunto cu minister di Economia sr. Richard Arends, a presencia varios di
e exposicion nan di e companianan presente. Algo cu sin duda algun ambos
mandatario a keda fasina cu tur e technologinan moderno cu no solamente cuepro
policial di Aruba, pero varios otro departamentonan guvernamental por haci bon uso di
algun technologia pa brinda un mihor servico aun na nos comunidad. Comentario cu
ambos mandatario a duna ta, cu nan ta opina cu e pueblo aki di Aruba semper ta
central y cu mester keda inverti na bienestar di nos cuidadano nan.

http://www.24ora.com/index.php?option=com_content&view=article&id=121472:minister-arthur-
dowers-y-minister-richard-arends-encanta-cu-e-exposicion-di-accp&catid=1:local&Itemid=5