Page 70 - KPA

Minister di Husticia, Mr. Drs. Arthur Dowers Cuerpo Policial
ta haya 3 auto nobo pa sigui patruya

Thursday, 04 May 2017 19:30
Comparti

Diaranson mainta Minister di Husticia, Mr. Drs. Arthur Dowers a bishita Garage Cordia Aruba pa
inspecciona e autonan nobo pa Cuerpo Policial Aruba.
Na luna di Maart ultimo Cuerpo Policial Aruba a ricibi 2 auto nobo marca Toyota modelo Rav4 y e biaha
aki nan lo ricibi 3 auto nobo, den forma di Pick-up Hilux dobel cabina y 4X4, pa asina nan por sigui cu
nan trabou di combati criminalidad na nos fronteranan. Diabierna awor Cuerpo Policial Aruba lo ricibi
yabi di e autonan nobo aki, pa asina Polisnan por cuminsa subi caya cu e autonan nobo y sigui haci nan
trabou di patruya y combati criminalidad. Minister Dowers ta contento di mira cu Cuerpo Policial ta
hayando autonan nobo pa asina nan por sigui cumpli cu pueblo di Aruba. E ta gradici Aruba Hospitality
& Security Foundation pa e sosten incondicional cu Ministerio di Husticia y cu Cuerpo Policial pa
promove mas siguridad banda di areanan turistico y rond di henter nos isla.

http://www.24ora.com/index.php?option=com_content&view=article&id=121460:minister-di-husticia-
mr-drs-arthur-dowers-cuerpo-policial-ta-haya-3-auto-nobo-pa-sigui-
patruya&catid=12:politica&Itemid=18