Page 36 - KPA_Neat

Kia Sportage ta bolter altura di rotonde Hato,
despues di un persecusion. Cellular y placa
tawata ser benta pafo di bentana

16 hours ago 0 670 Views

Palm beach – Dialuna mainta den careda di 8’or patruya ta topa cu un auto v-car hopi
sospechoso para unda antes tawata Rat Land.
Aki un persecusion a cuminsa cu a bay caba pariba di rotonde di Hato.
E auto un suv ta bolter den e greppel, cu 5 persona den dje. Mes ora tur e polisnan cu tawata
ariba caya a bay e sitio.
Hopi placa y tambe cellurar tira ariba Sasaki.
Mientras cu polisnan tawata nan tras, e agentenan tawata wak con nan tawata tira cellular y placa
pafo di bentana. Esaki a pasa altura di Koyari y tambe na Bubali.
Polisnan mester a bay busca parti di e placa cu tawata wordo benta afo.
Ariba Sasaki a logra recupera 1 of mas cellular. No ta conoci si nan tawata tin arma di candela cu
nan.
Segun nos tin entendi niun no ta local.
Ambulance a presenta y a atende cu algun na e sitio mes y otronan mester a haya tratamento
medico. Despues di e tratamento nan a wordo encarcela, pendiente mas investigacion. Mas
detencion lo bay cay den e oranan of dianan nos dilanti.
No ta mucho cla, si nan tambe tawata envolvi den e caso di asesinato na Jaburibari.

Homber asesina den su cas na Jaburibari, cu tiro
den cabes

16 hours ago 0 803 Views

Jaburibari – Dialuna mainta ariba dia di obrero Aruba ta habri dia cu un caso di asesinato. Den
careda di 5’or di marduga polisnan ta yega na un adres na Jaburubari, un di dos piso basta
luhuso.