Page 40 - KPA_Neat

Polisnan ta investigando
dos caso di awe mainta
tempran

Published on May 1, 2017 in Policial/SPLASH
ORANJESTAD,Aruba

Awe mainta Aruba a keda sorprendi cu un caso di asesinato na Jaburibari . den careda
di 5:21 polisnan a haya notificacion cu tin un homber benta den su camber y no ta duna
señal di bida. Te na e momentonan aki polis tin dos testigo cu ta bao di interogacion pa
e caso aki. Mientrastanto e curpa a keda tuma den beslag te na momento cu
fiscal keda cla cu tur e resultadonan di e investigacion. Na e sitio e polisnan a bin haya
e homber den un di e cambernan tira abao. Diferente departamento di polis ta tumando
tur pista cu nan por haya den e cas, manera DNA y vinger print pa asina haci e
investigacion. Na final funeraria aurora a bin tuma e curpa. Sinembargo riba e mes un
mainta aki polisnan a duna señal na un V Car pa para despues cu nan a pasa den luz
cora di trafico banda di Mc Donald pero nan no kier a para. Asina a cuminsa un
persecucion y na unda cu diripiente e personanan den e auto a tira un celular for di
bentana y despues cu nan a tuma e caminda di Bubali nan a cuminsa tira un cantidad
di placa for di bentana di auto. Asina mes polis a sigui den nan direccion y na unda cu
na altura di Hato e auto a bolter. Den e auto tabatin 5 persona tres masculino y dos
femenina. Tur e 5 personanan aki a keda deteni. Sinembargo te na e momentonan aki
te ainda no sa si e personanan den e auto ta envolvi den e caso di asesinato, pero
Segun vocero di polis tur esakinan lo mira den e investigacion cu ta tumando luga si
acaso e dos casonan aki ta relaciona cu otro.