Page 39 - KPA_Neat

Polis ta haya dama na sanger, ariba caminda di
Tanki Leendert

2 days ago 0 586 Views

Tanki Leendert – Diasabra mainta trempan polis ta wordo informa di un dama na sanger altura di Glenn’s
take Place. Mes ora un patruya a ser manda pa e sitio.
Patruya ta yega basta lihe na e sitio y berdad ta topa cu un dama cu tawata na sanger. Ela conta polis cu
e anochi anterior ela bay sali y a bebe un tiki dimas.
Durante marduga cu e tawata biniendo su cas bek, gasolin lo a caba cune altura di Glenn’s Place. Eynan
segun su version, esta den oranan di marduga un homber a presenta y a maltrate.
Polis a puntre si e ta desea un ambulance bin wak e, e la nenga y unicamente tawata kier a yega su cas
cu no tawata mucho leu.
Polis a duna un lift e ora pa su adres na Seroe Patrishi.

Accidente entre brommer cu auto, ariba crusada
Rondweg cu Avenida Milo Croes

2 days ago 0 179 Views

Avenida Milo Croes – Diasabra anochi algo pasa di 8’or un accidente entre un auto y un brommer Suzuki
1000 ta sosode.
E accidente a sosode momento cu un auto Suzuki a bira dilanti e brommer, biniendo di pariba.
E auto a bay bira pa drenta Rondweg y lo no a wak e brommer. Polis di trafico na su yegada a pidi
ambulance pa e motociclista, paso e lo tawata tin dolor na pecho y tambe su pia.
Cu ambulance ela wordo transporta pa hospitaal.

Accidente entre brommer cu auto, motociclista a
resulta herida

3 days ago 0 180 Views

Tanki Leendert – Diabierna atardi polis y ambulance ta wordo manda pa Cas Casuela pa un
accidente serio entre brommer cu auto.
Unidadnan cu a yega basta lihe dilanti Cas Casuela no ta haya nada.
Algun minuut despues nan ta wordo avisa cu ta e caya patras di Cas Casuela, bay zuid.
Na un crusada di asfalt cu tera, nan ta topa un auto Mitsubishi y un brommer, ariba e e tera drumi
boco abou e motociclista.
Segun nos a compronde e dama chauffeur lo a bay drenta e caminda di tera y pa un of otro
motibo e brommer a bay pase.
E ta brommer ta dal den banda di e chauffeur y bay cay. Debi na e impacto e tawata keha di basta
dolor, momento cu personal di ambulance a bay pa bire pa pone ariba e stretcher.
E la wordo transporta pa hospitaal.