Page 36 - HOH UPDATED
P. 36
FUNDACION DIABETICO CU
PROGRAMA SPECIAL PA SIÑA
PASHENTNAN CON PA ANDA
CU NAN MALESA
6 March, 2019, 5:05 pm
Fundacion Diabetico Aruba tin un bunita programa pa entrena profesionalnan riba tereno
di diabetes. Dr. Sharliene Vis a splica cu ta un programa pa siña pashentnan con pa anda
cu e malesa cronico aki.
Dr. Vis a splica cu Fundacion Diabetico Aruba a wordo lanta na aña 1975 y te cu awe
ainda e organisacion aki ta para pa e mesun balornan. Loke kier haci semper cu e
fundacion, ta pa concientisa tur hende cu ta diabetico, of nan famianan, pero en general e
pueblo riba e malesa aki.
Na 1975 cosnan tabata otro compara cu awendia. E tempo ey tabata mas enfoca riba e
tratamento medico di e malesa aki.
Tabata importante pa tin tratamento den forma di remedi, insulina y pa tin e
profesionalnan di cuido, manera dokter, cu sa di e malesa. Awendia esaki no ta suficiente.
