Page 64 - ATA

Mundo liber no por hala atras y durante ultimo simannan por a nota cu e ta deshaci di
su lasonan cu regimen Maduro na un forma efectivo. Siman pasa estimulo a wordo
duna na creacion di un panorama realistico di Guaidó como e Presidente reconoci pa
mundo liber, cu lo habri porta pa representacion diplomatico di Guaidó na un forma

mas pronuncia.

Esaki lo tin resultado importante pa tur pais envolvi. E ta un paso dirigi di mundo liber
cu a sufri consecuencia serio di e crisis Venezolano y mester di stabilidad pa por dicidi

con ta bay soluciona e problema di Venezuela.

Solucion lo nifica directamente salida di Nicolas Maduro, cu den e proximo simannan ta
bay bira e meta directo di paisnan internacional.

Na mes momento por bay spera aceleracion di casonan criminal cu lo wordo presenta
den Cortenan Hudicial rond mundo, cu ta sigui persigui e grupo Chavista pa actonan
criminal manera ladronicia y labamento di placa di Venezuela y sosten na gruponan

peligroso y liga na mundo di crimen y droga.

Aruba lo mester ta pendiente di accion mundial acelera pa cambio na Venezuela, cu lo
tuma tempo pa ahusta su mes na normalidad.

https://www.diario.aw/2019/06/region-latino-americano-y-caribe-mester-forsa-salida-maduro-pa-por-
stabilisa/