Page 66 - ATA

FINANZAS PUBLICO:

Ta importante pa señala cu na 2009 Aruba tabata conoce un situacion financiero sano.
Na 2014 Hulanda a interveni door di “ondeugdelijk bestuur” di Gabinete Eman II. Na

2015 Gobierno di Reino a tuma e supervision financiero over pero enbes cu e situacion
financiero a drecha el a empeora. Pues Gobierno di Reino a tene “onbehoorlijk
toezicht”.

Tres acto desastroso di Gobierno di Reino cu a perhudica nos pais, ta e hecho cu nan a
permiti Mike Eman traha presupuestonan ficticio cu tabata conta cu remision di debe na
SVb, supuesto entradanan di apertura di CITGO na 2016 y supuesto entradanan di
apertura di CITGO na 2017. Te hasta ora CAft a señala e actonan cosmetico aki,

Gobierno di Reino no a actua y a permiti’e.

CRISIS CONSTITUCIONAL:

Ta importante pa nota cu a base di e ley di supervision financiero nobo, keto bay tin
supervision independiente. Solamente a cambia tur e aspectonan anti-constitucional.

Tratamento di e ley aki a tarda pa e hecho cu Hulanda kier a negocia acomodacion di

un ex- politico Hulandes, cual tabata empugna cu e ley. Es decir, e tardansa no tabata
culpa di Parlamento, manera sr. Knops ta insinua.

Sr. Knops ta keda insinua cu no tin cumplimento cu e protocol sera entre Aruba y

Hulanda. Sr. Knops mester compronde cu un protocol entre 2 gobierno hamas por
limita un Parlamento. Esey ta e esencia di un estado di derecho. Pero ta parce cu
Hulanda kier forsa Aruba actua contra su constitucion of kier crea un crisis
constitucional.

Adicional mester nota cu Gabinete Wever-Croes ta cumpli cu aspectonan di maneho,
manera palabra den e protocol. Y sr. Knops sa esaki. Ainda nos por corda su
palabranan di elogio pa e maneho di señora Evelyn Wever-Croes.

Fraccion di MEP ta comparti sr. Knops su preocupacion pa loke ta e debe halto. Esaki
sinembargo ta uno cu Hulanda mes a yuda crea. Pa loke ta e supervision financiero net
nada no a cambia. Dus e ponencia cu a desmantela supervision financiero ta incorecto.