Page 19 - AHATA

Diahuebs, 13 December 2018 AWEMainta 19

MINISTER di Desaroyo Teritorial Infrastructura y Me-
dio Ambiente, Otmar Oduber a informa cu den cuadro di

privatisacion di Departamento Dienst Landmeetkunde en

Vastgoedregistratie (DLV)/Kadaster, e departamento tambe ta
bezig cu digitalisacion.

Durante e ultimo 5 pa 6 lunanan tabatin diferente reunion
cu a tuma lugar pa e.o. prepara un bon‘business plan’.

Esaki ta sumamente importante pa percura cu e departa-

mento lo por para riba su propio pianan cual ta spera di por
ta logra den prome kwartal di 2019.

E aspecto di digitalisacion di Kadaster lo yuda cu eficien-

cia di e trabou, considerando cu na Aruba keto bay ta uza

mapa den forma di cartanan y ta midi terenonan manual-
mente.

A base di un destaho publico e compania Slagboom en

Peeters Aerial Photography ta na Aruba cu su expertonan
pa saca e potretnan di Aruba.

Un proceso cu tin duracion di 10 ora, reparti den dos si-

man. E proceso aki dura dos siman pa motibo cu ta tene
cuenta cu e tempo, no por saca potret ora cu ta nubla, mes-

ter tin ‘blue sky’.
Cu e potretnan digital sumamente detaya (5 cm di tamaño

riba cada pixel), semper e posibilidad tey pa expertonan

verifica un midi personal.
Si compara e calidad cu esun di Google Earth, esaki ta 200

biaha mas mihor cu locual cu ta wak n’e momentonan aki.

Den prome bista e avion ta mustra manera uno comun,

sinembargo e nota, e avion a tarda 4 dia y mey pa yega
Aruba for di Hulanda, considerando e ekiponan special cu

e ta ekipa cu ne.

Por a scoge pa digitalisa e mapanan hacienda uzo di drone,
sinembargo e calidad cu tabata busca ta pa por haya mas

informacion di e diferente halturanan rond Aruba, cual por

logra por medio di e avion aki.
Durante di e ultimo 20 – 25 aña ora cu no a bay midi

terenonan manualmente, a pone coordinaten na nan, pero
esaki a haci cu tin mas cu 7000 cas cu no sa exactamente

unda nan tereno ta. Cu e sistema aki lo no tin e problema

aki.

Minister Otmar Oduber a splica cu e digitalisacion ta yuda
cu e ROP pa haya sa halturanan, identifica rooi nan entre

otro. Cu e potretnan aki y digitalisacion e trabou ta bira

mucho mas facil y eficiente, aumentando productividad
den diferente departamento y instancianan.