Page 16 - AWEMAINTA
P. 16
16 AWEMainta Diaranson, 24 Mei 2017
Dialuna Corsou a conocé racha di atraco di skina pa skina
WILLEMSTAD - Alrededor di 1:30 di dialuna mèrdia Polisnan mester
a bay den becindario di Scharloo despues cu un tipo a ranca un cadena
for di un señora di edad bay cune.
Polis a tuma keho pa despues wak si ta logra topa cu e atracador aki den
becindario.
Despues cu Polis a caba di duna asistencia na Scharloo, nan mester a bay
na Trommelstokweg pa otro atraco mas cu a tuma lugar.
Tabata na momento cu habitante a yega su cas un vehiculo cu dos tipo
den dje a baha y kita e victima su sèn bay cune.
Aki tambe Polis a tuma keho p’asina por haci mas investigacion. Polis
basta atento riba caya mirando cu atraconan a bolbe lanta cabes atrobe.
Alrededor di 7’or di anochi Polis mester a haña otro notificacion di otro
atraco cu mester a tuma lugar riba un kantor di number na Suffisant
despues cu dos a drenta e kantor y subi toonbank y rèk su man over di
e hèkwèrk y cue e tas di placa bay cune.
Atraco Team a keda pidi n’e sitio p’asina por a haci mas investigacion.
