Page 66 - ATA

grandi den region di Caribe. Mescos cu e añanan anterior Oficina di Turismo di Corsou
(CTB) a zorg pa promove e festival den su mercadonan principal y tambe trece e
medionan di comunicacion for di exterior, pa bin Corsou y cubri e gran evento aki.

E aña aki CTB a invita un total di 43 periodista for di exterior, pa brinda cobertura na
CNSJF 2019. E periodistanan procedente di Alemania, Aruba, Canada, Colombia,
Merca, Hulanda, Sint Maarten, Surnam y Trinidad and Tobago, ya ta na Corsou. E
medionan di comunicasion ta entre otro Caracol Radio, GQ Germany, NPO Radio 2, One
Caribbean Television, Surinaamse Televisie Stichting, Toronto Sun, Trinidad Express
Newspapers y Vibe.com. Ademas di cubri e festival, e miembronan di prensa lo participa
tambe na un programa special cu CTB a hinca den otro, pa asina nan haya oportunidad pa
conoce un tiki mas di loke nos isla tin pa ofrece. Un danki ta bay na tur partner den sector
di turismo, pa nan colaboracion, particularmente Land Huis Jan Thiel & Livingtsone Jan
Thiel Resort. For di awe CTB ta felicita Fundashon Bon Intenshon cu e di nuebe edicion
di CNSJF.