Page 68 - ATA

evitando asina di tin di paga impuesto riba dje. Pues e no a aparece riba payroll. Anto
segun Wever, ta net e luna (Arends a firma 1 di november pa e funcion di director
financiero di RdA), cu el a firma, pa despues dia 30 di november e retira, pasobra el a
bira minister. Na tur, Arends lo a cobra 299 mil florin. E pagonan pa Arends a para
mesora, ora cu el a bira minister, pero despues cu el a bira parlamentario na 2017, el a
bolbe haya pago, den forma di un retainer; di 2 biaha 15 mil florin y tambe 2 biaha 83 mil
florin pa un trabou cu e lo mester a haci, riba peticion di RdA pa acesora e risiconan di e
situacion di Venezuela cu CITGO etc. Wever ta cuestiona tur e proceso di pago straño aki
y a bisa cu e investigacion forensico ta andando, y cu otro luna e investigacion lo ta cla.