Page 71 - ATA
P. 71
Un Biaha Mas Ricardo Croes (RED) A Ser Laga Na
Caya – MEP Y POR A Vota Contra Legalisacion Di
Cultivo Di Marihuana Na Aruba
Politica
- 29/08/2019
Ricardo Croes, lider di partido RED ta sinti cu partidonan di coalicion, esta MEP y POR
no ta cumpliendo cu Acuerdo di Gobernacion. Den dicho acuerdo, tur partido di coalicion
a firma cu nan lo sostene legalisacion di cultivo di marihuana, meramente medicinal. E
lider di RED ta kere cu esaki lo yuda economia di Aruba.
Awor durante tratamento di prome 6 lunanan di maneho financiero di Gobierno, tabata
Ricardo Croes, hunto cu Marisol Lopez Tromp (POR) y Daphne Lejuez (MEP) a entrega
un mocion, pero cu un biaha mas no a haya sosten desea.
T’asina cu den un otro intento di Parlamentario Ricardo Croes di RED pa urgi Gobierno
pa legalisa cultivo di marihuana medicinal, a topa cu contratiempo ora cu 8 Parlamentario
a vota contra y como tal no a haya sosten pa su mocion.
