Page 24 - MIN ON 31 MARCH 2017

dunamento di ontheffing y permiso di labor.
Esaki ta prueba un biaha mas cu Aruba ta fayando. Aruba ta e unico pais den
Reino Hulandes cu no tin regla riba e tereno di integridad. Partido MEP desde
Mei 2014 a prepara un nota “INTEGRIDAD”. Integridad ta algo cu bo tin of bo
no tin! Integridad ta ora bo ta haci lo corecto, te hasta ora ningun hende ta
wak. Pa nos di MEP integridad ta crucial den gobernacion. Casonan manera
Strawberry-gate, Lainda-gate, Kiko Gomez-gate, Bushiri-gate, INSURE-TO-
STUDY-gate, EVA MARIA-gate RINCON-gate y tur e negoshinan cu tereno a
trese duda serio den integridad di gobernantenan di Aruba, no solamente cerca
nos, sino tambe cerca politiconan den Reino. Mientras cu demas paisnan den
Reino tin leynan pa garantisa integridad den gobernacion, Aruba ta e unico cu
no tin esakinan. E plan di MEP pa crea un Gobierno basa riba integridad ta basa
riba algun proposicion concreto:

LEY DI FINANCIAMENTO DI PARTIDONAN POLITICO
Nos di MEP ya pa algun aña ta bogando pa bin cu e ley di financiamento di
partidonan politico, pa asina evita cu placa di baho mundo ta wordo usa pa hiba
campaña electoral, manera a pasa den e ultimo campaña electoral cu hopi
miyones a wordo hinca den campaña pa partido AVP di procedencia desconoci.
Na otro paisnan den Reino esaki no ta posibel, y partidonan politico mester
publica fondonan cu nan haya. Ta aki na Aruba so e fiesta ta continua.

SCREENING DI MINISTERNAN
Otro areglo cu nos tin cu mehora ta e forma con ta screen politiconan. Si futuro
ministernan mester a pasa e screening manera na Hulanda, lo e gabinete actual
no ta consisti di e mesun hendenan. Hecho ta cu Gobernador no ta hunga un
papel crucial mas den screening di gobernantenan, y esey mester cambia.

OMBUDSMAN
Otro ley cu mester bin cu urgencia ta esun di Ombudsman, pa asina tin un
defensor di pueblo, pa garantisa integridad riba tur nivel. Un Ombudsman lo
atende cu keho di cuidadanonan riba actuacion no integro di gobernantenan. E