Page 14 - AWEMAINTA

14
Problema di basta tempo entre ex pareha
a caba e biaha aki na maltrato y detencion
AWEMainta Diaranson, 3 April 2019
AYERA merdia hendenan tabata puntra kico ta
pasando den Santa Cruz cu tanto movecion di Polis.
E problema lo a cuminsa diamars mainta n’e
Barbershop situa pazuid di Taco Bell.
Den oranan di mainta Polis a bay liher pa motibo
cu tin hende, esta e conocido barbero Matatan, ta-
bata sacando of kier a saca cos for di e lugar. Esaki
no tabata mag y cos a cuminsa medio bay for di
man.
Polis a yega y a interveni. E problema di Matatan
cu su ex pareha ta di masha hopi tempo caba. Polis
sa di nan storia, cu ta hopi. Despues di e inciden-
te mainta ambos partido a bay Warda di Polis na
Macuarima pa haci denuncia.
Matatan tabata mester cierto cos pa motibo cu e
y su pareha nobo aparentemente lo a ta habriendo
un negoshi nobo di Barberia. Tanten cu e caso di e
dj’e y su ex casa no keda cla e no mag di mishi cu
nada den e lugar na Santa Cruz.
Despues cu ambos a sali di Warda na Macuarima,
Matatan muy probablemente hopi furioso a bay un
adres na Santa Cruz. Eynan e ex lo ta kedadando.
Matatan a yega e adres hunto cu su pareha
nobo, el a baha bay paden y lo a dal e ex paden.
Despues e a subi auto hunto cu e pareha nobo y
bandona e sitio.
Riba caminda di Piedra Plat patruya di Playa ta
spot e, y dilanti Jon Tai Hardware Store ta pare y
bay over na detene Matatan.
Su pareha nobo si por a sigui su caminda, mientras
Matatan si a keda wardando Transportwagen pa
bay warda. Ambulance a bay e cas na Santa Cruz y
a trata e muher paden di e cas, pues e no tabata di
e serio ey manera a ser pensa den prome instante.
Despues cu Paramediconan a bandona e sitio, e ex
pareha a sali un biaha mas direccion Warda di Polis
na Macuarima pa entrega keho di maltrato.