Page 13 - BNDIA ARUBA
P. 13
a13
riba caya Diahuebs 10 Januari 2019
Accidente basta fuerte na Kamerlingh Onnestraat
ORANJESTAD - Diaranson durante oranan di mainta
riba e caminda di Kamerlingh Onnestraat pa bay Seroe
Blanco a sosode un accidente di auto basta fuerte.
Polis cu a presenta na e sitio a constata cu e chauffeur di e
Yaris bayendo ariba a perde control den e birada y bay den
banda contrario dal frontal contra un Hyundai i10. E impacto
tabata fuerte cu a laga tata cu su yiunan herida den e Hyun-
dai. Den e yaris tabata un dama a keda herida. Dos unidad di
ambulance a presente y paramediconan a brinda asistencia na
e victimanan.
Autoridad a bay Rooi Afo pa
un curpa sin bida
ROOI AFO - Diamars den oranan di marduga un famia
a bati alarma pa un señora cu a fayece na un cas na Rooi
Afo.
Tanto ambulance como unidad di polis a presenta na e sitio.
Recherche tambe a acudi na e cas pa asina wak si por ta trata di
un crimen pa e curpa a keda haya den e cas sin bida.
