Page 3 - Djaluna 24 september 2018.pdf

Djaluna 24 Sèptèmber 2018 3
Kontratistanan

di limpiesa

pa bishita di
rei ainda

sperando

nan pago

Minister Zita Jesus
Leito “nan mester
atendé ku OW”
WILLEMSTAD.- EXTRA a
risibí keho di kontratistanan
ku a hasi trabounan di
limpiesa pa bishita di rei
Willem Alexander den
kuadro di dia di Himno i
bandera 2 di yüli i ku ainda
nan no a risibí nan pago.
Segun e kontratistanan,
nan tur huntu a yega un
suma di kasi mei mion florin
ku gobièrnu lo tin di paga.
Nan a sòru limpia diferente
parti di Kòrsou i ainda nan
ta sperando nan pago.
E trahadónan/
kontratistanan ta bisa ku
nan a komprondé ku ta
minister di VRP a para tur
pago. I awor nan a yega 3
luna sin a kobra a trabounan
ku nan a hasi kaba.
EXTRA a tuma kontakto
ku minister di VVRP sra
Zita Jesus Leito i el a nenga
kategorikamente ku e tin
algu di aber ku e paramentu
di pago aki.
Segun el a bisa EXTRA e
trahadónan/kontratista aki
tin di atendé ku Openbare
Werken.
Loke si segun e minister
a bisa EXTRA ku e situashon
finansiero aktualmente no
ta fásil. Pero e ta kere ku
e kontratistanan ei tin di
atendé ku OW pa nan pago.
Segun informashonnan
ku EXTRA tin mas aleu, nos
a komprondé ku e situashon
finansiero den gobièrnu
aktualmente ta basta bou
di preshon. E preshon di
parti di CFT riba gobièrnu
a pone ku entre otro no por
saka sigur 5% di gastunan
ku kada ministerio tin. Tur
esaki pa por yuda kumpli ku
e medidanan ku CFT a pone.
I tur esaki ta trese kuné entre
otro ku e kontratistanan ku
a hasi trabou pa binida di rei
na yüli último a keda pega
ku nan pago.