Page 6 - Djaluna 24 september 2018.pdf

6 Djaluna 24 Sèptèmber 2018
Tur servisio

di MCB ta

funshonando
optimal

atrobe

WILLEMSTAD.- Tur
servisio di MCB ta
funshonando optimal
atrobe, despues ku for
di djaweps anochi 20
sèptèmber pa djabièrnè 21
sèptèmber MCB a konfrontá
algun difikultat tékniko riba
su ret ku a afektá algun
servisio.
E sistema di tellernan
den brènch i sistema di
MCB Online Banking no por
a funshoná djabièrnè 21 di
sèptèmber. Tabatin un “data
error”.
Hopi hende a keda afektá
dor di e situashon. T’asina
ku den e sistema di “end
day run” ku ta atendé ku e
kantidat di transakshon ku
ta pasa via di banko, a surgi
e problema, e fayo. Algu a
bai robes ku un transakshon
den banko un dia promé i
ora a trata di koregí esaki,
kos a bai robes.
Komo ku no por a terminá
e “end day run” promé ku
branch a habri djabièrnè,
sistemanan a kai afó.
Sinembargo Pagomatiko,
bankomatiko i e sistema di
pago den tienda si tabata
funshoná. E situashon aki a
surgi na Kòrsou so. Djasabra
e ekspertonan a solushoná
e problema i tur servisio di
MCB tabata funshonando
optimal atrobe.
MCB a indiká ku semper
tur kos ta bai bon, pero no
tur ora tin garantia kos ta
bai bon. Lástimamente
djaweps kos a bai robes.
Banko a refutá e kantidat
di rumor i “fake news” riba
retnan sosial ku lo a “hack”
sistema di banko. Esaki no
te kaso. Ta pidi komunidat
pa no bai tras di “fake
news”.
Naturalmente MCB
ta pidi su diskulpa na
su klientenan i henter
komunidat pa kualke
inkumbiniensia ku esaki por
a trese kuné.