Page 4 - Djaluna 24 september 2018.pdf

4 Djaluna 24 Sèptèmber 2018
Detenshon di Jamaloodin a keda prolongá ku 8 dia

WILLEMSTAD.- Djabièrnè George Jamaloodin a keda komisario pa prolongashon detenshon a keda prolongá
último, 21 di sèptèmber presentá dilanti di hues di su detenshon. Su ku 8 dia mas. E seshon aki
a bai via di sistema di “vidio
conference”.
Ministerio públiko ta
haña ku ta nesesario pa
Jamaloodin keda será pa
mas tempu na interes di e
investigashon. P’esei a pidi
pa prolongá su detenshon.
Ministerio Públiko
ta sospecha George
“Jorge” Jamaloodin di
malversashon, falsifikashon
i komplisidat i/òf a provoká

morto di lider polítiko
Helmin Wiels.
Djabièrnè durante di e
seshon na hues komisario,
Jamaloodin a haña
asistensia di un dama
abogado di Bonaire ku
tabata serka dje, i aki na
Kòrsou den sala di korte, mr.
Sulvaran tabata presente.
Defensornan di
Jamaloodin a hasi petishon
na hues komisario pa
suspendé detenshon di nan
kliente.
Despues ku hues
komisario a studia e
prosèsverbalnan, el a studia
e petishon di prolongashon
di detenshon ku a ser pidí
dor di fiskal di ministerio
públiko, i tambe loke
defensa a trese dilanti na
fabor di nan kliente, banda
di esaki a tende e akusado
tambe, hues komisario
a disidí ku ta prolongá
detenshon di Jamaloodin
ku 8 dia. E petishon pa
suspendé detenshon di
Jamaloodin tambe hues
komisario a rechasá.
For di djabièrnè último
Jamaloodin a drenta
su periodo di 8 dia di
detenshon. Promé ku
djabièrnè awor lo bolbe hasi
petishon na hues komisario
di parti di ministerio públiko
pa prolongashon di su
detenshon ku 8 dia mas.
Dia 11 di sèptèmber
último Jamaloodin a yega
Kòrsou riba un buelo
di Avoir, despues ku
outoridatnan hudisial i di
gobièrnu venezolano a firma
su ekstradishon pa Kòrsou.
For di mart 2017 Jamaloodin
tabata detené na Venezuela.
Dia 12 di sèptèmber a
trasladá Jamaloodin pa
prisòn na Bonaire, unda e
ta detené aktualmente.